白痴到極點。

轉錯車落錯車，人生常有，不值一記。
然而，
同一日同一時間一個人落錯兩次車，唔記一記，真係唔得。
係啦，白痴如此，唔記，真係對唔住自己。
好。回正題。事緣本人是日要去沙田食盤菜，位處荔枝角，正路都係地鐵轉火車啦。
於是，我就係九龍塘站轉車，一路正路，相安無事。
悉時，本人一路搭車一路睇緊小克最新的偽科學鑑證之四《愛令我變碳》，踏上火車，一路笑一路睇。唔知係咪因為好笑得過分定咩，搭搭下，我一抬頭，大鑊，去左大圍，白痴如我以為過左站，於是懶醒咁落車過對面站搭倒頭車，落樓梯之時仲要比個無禮啊姑用高跟踢了我小腿一野，而本人是日穿了一條白色長褲，shit，留左個印，因時間甚趕，本人亦無爭論，急步行去對面站上火車，又開始睇書，睇多兩睇，一抬頭，shit，咩事，又去番九龍塘，此時才猛然發現，方才我根本就未到站，無啦啦落錯車已經樣衰，而家又搭錯多一次車，shit x 10000000啦！於是又急急腳係九龍塘落車，又過對面月台搭番車去沙田，痴線！成個行程如下︰九龍塘-->大圍-->九龍塘 -->大圍 --> 沙田，而正常應為九龍塘--> 大圍 --> 沙田，oh my god x 10000000000 ！
行到一身汗，成個人火哂啦！但，又有咩法子先？獃到咁，樣衰之極，是之為記，你話我知，呢d唔係白痴係咩先？