又係歡樂之時。

很久沒有這樣放縱地，四周圍走動了。

景點一︰柴灣漁灣街市

係呢個CHECK POINT，本來係打算食CRYSTAL最愛並且想食左好耐之炸兩，正當我們興高采烈打算大飽口福之際 (SORRY我知IVY已經食飽)，老闆告訴我們炸兩已經賣哂！唉，只怪我地來得太遲，不過係兩點姐，唔駛咁早嘛？

景點二︰銅鑼灣時代廣場幾米展

嘩要唔要咁多人呢其實，個個公仔都幾有趣於是左影下右影下，只不過，太多人，每個都要等下停下咁，算啦，香港有幾大姐，個個去的地方都差不多啦~

景點三︰中環王府水餃店

你好野，我最想食的西紅柿蛋餃六點後先有得食，而我地五點去到！點先？食其他囉，個豬肉津菜餃又幾好食，咁算啦，下次再來吃過~

景點四︰中環懷舊STARBUCKS

又真係好有趣，近年懷舊的熱潮真的太HIT，每人都以懷舊當新潮，雖然假假地，但都係一個影相好去處，只不過問題同景點二一樣，都係好多人，係啦，香港真係好細。叫左杯凍朱古力好好飲，閒聊的時光相當快樂，不過冷氣又真係強橫左少少。

景點五︰尖沙咀海港城燈飾

之前的景點人多，算，呢度係之前的唔知幾多倍！用唔用咁多人影相啊？雖然又真係幾靚(呵呵係我好愛的紫色)但真係多人到癲！於是只能匆匆而過地影了幾張因為真係好多人。不過又真係靚~哈。

景點六︰好時沙嗲

CRYSTAL想食好耐，於是就去食。我至愛加多加多 (其實係印尼式沙拉)，個汁真係一流！(多得之前POLLY介紹)，其他馬拉盞炒通菜酸辣湯等都好好味，價錢又相宜合理。食飽後又進入閒聊模式，確是人生一樂也。

謝謝CRYSTAL安排之次海陸之旅 (我地又搭叮叮電車又搭渡海小輪架)，又多謝IVY好識路地帶我地周圍行。笑聲真的很多，與朋友一起的感覺真的快樂。期待我們的下一次和更多的，下一次。

P.S.我知我知我知我要好感激CRYSTAL我知你幾時都咁關心我驚我蕩失路擔心我又唔知漏左D咩時常噓寒問暖我真的打從心底十分衷心地感謝你的，真的，所以我承諾，當你再講個D「維景兩岸景色」啊「獅子星」(流星雨)啊諸如此類的難明語言時我都唔會再笑你，真的，打從心底唔笑，OKAY？